Radio Maria

News

Shën Timoteu, ipeshkëv e martir ( +97) «Bir i vërtetë në fe» e quan shën Pali Timoteun e ri, i cili ka jetuar në ambjentin e Apostullit. Kishte lindur në Listër dhe këtu shën Pali e kishte takuar gjatë udhëtimit të parë misionar. Ai ishte edhe një ndër të parët që i besoi Ungjillit, pranimi i tij qe total, në harmoni të plotë me ftesën e Krishtit: «..... pastaj eja e më ndiq». Që nga ai moment Timotetu e ndoqi hap pas hapi aventurën e Apostullit të njerëzve, bashkë me të cilin e gjejmë në Filipe dhe në Selanik, më pas në Korint, Efes dhe Romë, ishte dishepull shembullor përsa i përket dëgjesës, maturisë dhe guximit. Mbante kontaktet mes mësuesit dhe bashkësive të reja të krishtera të sapo formuara dhe u dorëzonte letrat. Pali e kishte vënë në krye të Kishës së Efesit dhe si një baba i mirë i dërgoi dy letra të mrekullueshme për ta udhëhequr dhe inkurajuar. Në njërën prej këtyre, në të dytën të shkruar nga burgu romak, apostulli i «vjetër» e lut birin «e ri» t’i sjellë tabaren për t’u mbrojtur nga të ftohtit, hollësi jo dytësore për një reflektim mbi varfërinë e vërtetë ungjillore. Sipas një tradite të vjetër, Timoteu u vra me gurë sepse dënoi publikisht kultin ndaj Dionisit. Shën Titi, ipeshkëv (+96) Një tjetër dishepull i dashur i shën Palit, i kthyer nga paganizmi dhe i pagëzuar nga vetë Apostulli, me të cilin bëri udhëtimin e tretë misionar. Pas burgimit romak, në kthim dy misionarët kaluan nga Kreta dhe këtu Pali u nda nga dishepulli duke e lënë në krye të kësaj bashkësie të krishterë. Edhe atij apostulli i shkroi një letër, një prej të ashtëquajturave letra baritore, e rëndësishme për informacionet që ofron për jetën e brendshme të bashkësive të para të krishtera. Nga Kreta, Titi e mbërriti sërish mësuesin, i cili ishte kthyer në Romë. Është e mundur që dishepulli i ri është dërguar nga Apostulli për të ungjillëzuar Dalmacinë, ku kulti i tij është akoma shumë i përhapur. Sipas një tradite të vjetër, Titi ka vdekur në moshë të shkuar në Kretë.

back

Lajmet -Më 19 korrik 2010 në katedralen e Sh&eum. lexho -Qëllimi i këtij “projekti” &. lexho -RRESHAJET Vap 2, 1-11 1 Kur erdhi dita e . lexho - Mëshira Hyjnore - E diela e II e Pash. lexho më gjerësisht...

Shkarko më gjerësisht...

Lajmëtari I Radio Marisë

-Gazeta shtator 2010.pdf. shkarko -Gazeta korrik 2010.pdf. shkarko më gjerësisht...

Kontakto -.